Mundartgedichte von Dieter Radl
Kreizwechschdazion, Wallfohrergsang,
Brederbudn in Weech entlang,
Boggerlfeier, weißgrauer Rauch,
d’Nosn full Dufd, Kridsln im Bauch,
Schbülzeichschdaandl, Bärndreeg kauer,
aaf Raousnberch hint owe schauer!
Gloggn leitn, Fahner schwinger,
fül Bforern ben, Kirchnleid singer,
da Chor jublierd, Blechmuse blaousd,
da Bischof sengd, da Weihrauch schdaousd,
di Sunner scheint, Sankt Anna lachd,
Kraawaaddl, Dirndl, Berchmannsdrachd!
brässant wos bschdöld, Bäijer äigschenkt,
drei Braoudwirschd, Schbidsl, Sauergraud,
d’Vawanntschaft daou, weid ummegschaud,
hint Rauher Kulm, drärm Ochserschloch,
druntn Weiher, Hambach im Loch!
sigsd s’Gallmünz drärm Bauern heing,
Maagroner kaafd, am Laousschdand glosd,
wida aaf d’Benk, numal gscheid Prost,
d’Blaousn druggd gscheid, as Graud des blaad,
a Schlanger am Heisl, d’Aung vadraad!
zwor Halwe nu, Gaude am Disch,
Der kummd, die Sell, vo fräijer Leid,
as Läichd gäid a, s’Gebet des leit,
da Rauch laoud naou, as Gwurl wenger,
oi bleim nu hoggn, anere genger!
vom Dol aaffer a Lifderl waad,
s’Feier is aas, da Reiwl schdäid,
as Moidl raamt o, da Sani gäid!
Bisd so wos finsd, mousd äiwe gäih –
des midnand machds Berchfest schäi!
© Dieter Radl