Mundartgedichte von Dieter Radl
Milchscheckwiesn
Gräine Grosholm, gelwe Dubfn,
a Wiesndebbich, leichd im Mai!
Daasd an Schebbl aasser rubbfn,
mirggsd nird, bläihd glei wida nei!
Aaf oimal haann des Laampion,
so naouch, dass oins in anern schdaousd!
Hom kuglrund as Kepfl kohm,
waaddn aaf Wind, der waou gscheid blaousd!
Vom Lifterl drong, waouhi ses waahd,
daou fläings, di kloiner Schirmerler!
Vaschdeggnse awaal ganz schdaad,
wern wida gelwe Blimerler!